المصريين و كوميديا عفاف شعيب

مع خفة دم الشعب المصري و الاحداث الاخيرة اصبح الفنانين الذين كانو معادين للثورة مادة دسمة للنكات و السخرية من الكلام الغير متوازن الذي يلقنه لهم اتباع النظام المخلوع و نجد الان عدة جروبات كوميدية على الفيسبوك تسخر من اولائك الذين ارتضو ان يكونو نداً لثورة شعبهم

اما بالنسبة لعفاف شعيب فكان لها نصيب الاسد اذ لم يلبث ان انتشر فديو البيدزا و الريش حتى ظهر فديو حرامية الدبابات و تتوالى النكات . اذا كما سترون ففي الفديو الاول اشتكت عفاف شعيب انه و بسبب المظاهرات و الاحتجاجات عجزت على ان تجد بيتزا و ريش لحم لابن اخيها الذي يبلغ سنتين من العمر فقط ,  اما الفديو الثاني قتقول عفاف شعيب ان لندن تقوم بتدريب عناصر لسرقة الدبابات . المصرية "عشان في حرب قادمة"  سانقل لكم هنا ما تيسر من تلك النكات و اتمنى ان تنال اعجابكم

الفديو الاول 

الريش و البيتزا

لوددت ان اكون ابن اخو عفاف شعيب 

عيزين نلفت نظركوا لحتة محذوفة فى الفيديو بتاع الفنانة عفاف شعيب
وقدرنا نحصل عليه
انها قالت ان فيه طفل ابن اخوها عنده شهرين
وده المفاجأة بقى واشد من حمادة التانى بتاع الريش
كان كل يوم على العشا يقول
فخدة ضانى عمتو
فخدة ضانى عمتو
بس هى اتحذفت
عشان مشاعر رابطة كارهى الضانى

انباء عن سيطرة قوات ابن اخو عفاف شعيب على محل ابو شقرة

وزارة التضامن الاجتماعى

مخزون الريش يكفى العجل ابن العجل لمدة شهرين

ولا داعى للقلق

الو

سلامو عليكم

عليكم السلام

ابو شقرة

ايوة يا فندم

والله احنا كنا طالبين1/2 طن طرب و 3/4 طن مشكل و 1/4 طن كفتة وفدان محشى مشكل من حوالى 5 ساعات..ياترى خلص

ايوة يا فندم..بنحمل فيه اهو ..نص ساعة والمقطورة توصل..وسلام كبير لحمادة..عشان كمان بنحضرله الوجبه المفرحة بتاعة بالليل..1/3 طن ريش من اللى بيحب يتعشى بيها وعليها لعبة الديناصور اللى بيحب يركبها فى ماجيك لاند

انباء عن اختفاء الحكم السابق

محمد كمال ريـــــــــــــــــــــــــشة

الجمعة القادمة مسيرة رد جميل لعفاف شعيب تبدأ من عند أبو شقرة و تنتهي بوقفة احتجاجية ثم اعتصام امام بيتزا هات تضامنا مع ابن اخوها اللى عنده سنتين و بيضرب ريش عالعشا

حاولت اقول لأمى انى عاوز اتعشى ريش

لاقيت فردة الجزمة فى وشى

طب بيتزا يا ماما

قامت ضربانى على قفايا و قالت لى: الله يخرب بيت الثورة المضادة اللى حتخلي الأم تقتل عيالها 

قبل عيد الام

وقبل ماتجيب هدية لامك

بالله عليك بيتضحك عليك كام سنة وانت فاكر نفسك بتتعشى

وفيه ناس غيرك امهم بيعشوهم ريش من سن سنتين

فكر قبل ما تقول حجيب هدية لمامتك السنة ده

انا اسف يا امى

ادعو الى مظاهره مليونيه يوم الجمعه الجايه لاسقاط ماما اللي بقالها 23 سنه مفهمانا ان البطاطس والبيض والطعميه والجبنه والعيش الفينو هو ده العشا ...... انا كان مفهومي عن العشا غلط خالص

يا جماعة احنا بنتأسف لابن اخو الفنانة عفاف شعيب

الطفل ده ده شارك فى تلات اقتحامات لمزارع عجول قبل كده

واستشهد مرتين قبل كده فى مستشفى ابو "الريش"

واخته قائدة الفرقة 64 مارجريتا

بيتزات خاصة

وحالتهم النفسية وحشة اوى

عشان ماكلوش 10 ايام بيتزا وريش

يعنى إية كوك زيرو

يعنى تبقى عفاف شعيب مبطلة تمثيل بقالها 200 سنة

و ييجى المحروس ابن اختها يرجعها على الساحة الفنية تانى علشان نفسة ياكل ريش

و طبعا لم يخلو الجروب من بعض الصور انقلها اليكم...

كل الناس صوابعها بمبى

الا حمادة

ايده مدهننة

يا حمادة مش وقته ريش يا اخى :))

فين الريش يا كفنة 

معلش هو لسه ضارب ربع طن ريش
وحبس بكونتينر كوكا
عموما ديه احد الازايز اللى لقيناها
ملحوظة: حمادة واكل محشى كرنب

‫لقد تم العثور على تلك الصورة عند إقتحام مبنى مباحث امن الدولة

ده حااااجه بسيطه لابن اخو عفاف شعيب علشان يحلى

طيب حتى لا ننسى الفديو الثاني

عفاف شعيب و الدبابة

1-اعمل داونلود لبرنامج"كيف تحتل دبابة ياولا"
2-اذهب لميدان التحرير واستنضفلك دبابة هناك
3-خذ رقم قريب الفنانة عفاف شعيب وربط مع الجهات اللندنية
ملحوظة،لندن بس اللى بتدرب مش بريطانيا نفسها
4-خبط عالدبابة،حيفتح العسكرى،رش عليه اسبراى يغم عليك وخش سوق الدبابة وتوكل
5-شيل نمر الدبابة عشان مايتبلغش عنك وتتمسك
6-فكك الدبابة عالصحراوى وبيعها خردة
الف مبروك،انتهى الدرس الاول 

يا جماعة فيه اعلان فى سفارة لندن بالهند بيقول:
مطلوب شباب:
قمحى اللون
حسن المظهر
يحمل رخصة درجة تانية دبابات على الاقل
يتكلم اللغة العربية او لديه استعداد لتعلمها
تفتكروا ليه علاقة بفيديو الفنانة عفاف شعيب؟؟

بيقولك ايه هى قمة الادب؟؟
انك تخبط على دبابة قبل ما تسرقها
وايه هى قمة الدهشة؟
انك تسرق دبابة وماتعرفش تعمل بيها ايه بعد كده 

‎*اسمك ايه؟
*جندى مجند/جيمس مايكل ادوارد
*واسمك دلوقتى ايه؟
*عبد الرزاق صميدة
*مهمتك ايه فى مصر؟
*حنزل مصر،واروح اركب المترو
*عبد الرزاق،خليك صعيدى شوية،مش ده اللى علمنهولك
*تمام سعادتك،حتدلى عالميترو،واوصل للتحرير،ادورلى على اى دبابة،اول ما عينيه توجع على واحده،اخبط على الدبابيه،يفتح لى واحد،اجوله يا دفعه انا جى امسيك الوردية،واول ما يطلع،امواته بالبندوجة،واركب الدبابة،درجن درجن،واتدبدب،درجن درجن 

طب ازاى تركب دبابة فى تلات خطوات؟
افتح الدبابة
ادخلها
اقفل الدبابة

طب ازاى تركب دبابة على اربع مراحل؟
افتح الدبابة
اخرج العسكرى اللى فيها
ادخلها
اقفل الدبابة

طب ايه هى قمة قلة الادب؟
انك تسرق دبابة وتمشى بيها عكسى

طب ايه قمة السفالة؟
انك تمشى بيها عكسى..وتلاقى مزة واقفة وتقولها..ايه بقى 

‎*الو،سلامو
*عليكم السلام
*شركة دبابات لندن
*ايوة يا حبيبى،اؤمر
*عندكوا دبابات
*ايوة
*طب حطهم فى الخندق
*يابن التيت يا معفن،ماشى
--
*الو،سلامو
*عليكم السلام
*شركة دبابات لندن
*اؤمر
*عندكوا دبابات
*ايوة
*طب حطهم فى الخندق تانى
*يابن التيت،والله لوريك
--
*الو،سلامو
*عليكم السلام
*شركة دبابات لندن
*ايوة
*عندكوا دبابات
*لا معندناش
*طب ماتجيب من اللى فى الخندق،اوو
*غور يابن التيييت،ياتيييت،وبعدين ده صووووت

اقتراحات عاجلة لمواجهة مخطط سرقة الدبابات الذي كشفته حظابط عفاف شعيب
1- كل الدبابات يتركبلها سنتر لوك وانذار ياباني مش انجليزي ولا امريكي
2- محدش يسيب رخصة الدبابة في الشماسة عشان لما تتسرق نعرف نجيبها في اي كمين

سؤال بس لقريب الفنانة عفاف شعيب؟؟
رحمة بينا وبالاعضاء يا شيخ
الناس اللندنيين اللى كانوا بيدربوا الناس القمحيين على اختراق الدبابات
بيدربوهم فى ميدان عام؟؟
قدام الناس يعنى
ولا حضرتك كنت معدى فى خرابة فى لندن وانت اكتشفت ده

بفكر افتح محل اسمه
بيدزا الدبابات

الجيش المصرى يبدأ فى حملة موسعة لتركيب عين سحرية فى غطيان الدبابات
بعد الحديث التاريخى للمخطط الذى كشفته الفنانة عفاف شعيب
ارجوكم يا عساكر مصر
محدش يفتح أم الدبابة الا لما يبص من العين السحرية

اهو ده عسكرى غبى
لونه قمحى
اتعلم عربى
اتعلم ازاى يطلع عسكرى مصرى من الدبابة
بس ماتعلمش ازاى بعد ما يسرق الدبابة يسوقها 

و اخيرا نختم بهذا الفديو

الصور و التعليقات مأخوذة من : احنا اسفين ياعم اللورى،عمو جاب البيتزا والريش،ادى حتة لعمتو عفاف شعيب